Steffi Stølen, over Fjell gard - ut mot havet

Om lag 30 minutt vest for Bergen, i Fjell sentrum i Øygarden finn du Steffi Stølen. 

Området er lett tilgjengeleg med bil og offentleg transport, men samstundes skjerma og roleg, med kort veg til flotte naturområde. 
Hytta ligg ikkje langt frå Fjell festning, som gjer det enkelt å kombinere opphaldet med turar, historie og storslått utsikt mot havet.


Å vitje Steffi Stølen med utsikt vestover mot havet er ei heilt særeigen oppleving. Her kjem du tett på naturen, høgt over bakken, omgitt av ro, stillheit og frisk luft. Når sola går ned i vest og fargar himmel og hav i varme tonar, oppstår det eit magisk augneblink som er vanskeleg å finne andre stader. 

Samspel mellom høgda i tretoppane og den opne horisonten mot havet gjev både utsyn, perspektiv og ei kjensle av fridom – perfekt for å koble av frå kvardagen og berre vere til stades i nuet.

Hytta har seks soveplassar som gjer ho godt eigna både for familiar og små grupper. Det koselege kjøkenet inviterer til enkle måltid og gode samtalar etter ein dag ute. Området byr på svært gode turforhold, med flotte stiar i skog og mark, og rike moglegheiter for å utforske naturen til fots året rundt.

Steffi Stølen nytter vedfyring som varmekjelde. Vedfyring skapar ei heilt eiga stemning, særleg på seine kveldar. Den mjuke knitringa frå elden, det varme lyset og den lune varmen gjer rommet ekstra koseleg og innbydande.  Perfekt for lange samtalar, ei god bok eller berre stille stunder etter ein dag ute i naturen.

Inn og utsjekk

Innskjekking i Steffi Stølen skjer fra 15:00

Utskjekk fra Steffi Stølen skjer frem til 11:00

Frå skogkanten ved festninga vaks sitkagrana som skulle få ei heilt særskild reise. Kristofer Lie var med då trea vart planta – små, strantne spirer som han følgde gjennom år etter år, medan dei strekte seg mot himmelen og tok form av den skogen som ein dag skulle bli veggene i ei hytte.

Då tida var inne, felte dei treet og førte det den korte mila ned til sagbruket. Der stod Kristofer sjølv ved saga, og lot stammen opne seg i nye flater – 7x1-toms plankar som glinsa av sevje og ferskt treverk. Så tok sonane hans over, som ein naturleg arv av både arbeid og kjærleik til handverket. Dei høvla plankane med not og fjør, brende dei etter den eldgamle japanske teknikken Shou Sugi Ban (Yakisugi), børsta dei reine og smurde dei inn med Osmo-voks. Far og son – to par hender, éi historie, eitt samhald. Lerketømmeret frå Skaganeset i Skogsvåg fekk same familieferd. 

Saga av Kristofer, forma av sonane, behandla med same omsorg og voksslag – og no ligg golvet varmt og levande gjennom heile hytta. Saman dannar desse materiala ikkje berre ei hytte, men ei forteljing som de deler med alle som stig over dørstokken: ei forteljing om natur, om tradisjonar, og om ein familie som står støtt – rotfesta som trea dei har arbeidd med.